Etes
Die Kinderdorpie Kleuterskool bedien gebalanseerde maaltye daagliks.
- Ontbyt
- Middagete
- Verversings na slaaptyd (vrugte en broodjies)
- Nagereg elke Dinsdag en Donderdag
‘n Gesonde kosblikkie word daagliks voorsien deur elke kleuter se ouer.
Klein Klassies
Ons het klein klassies waar elke kleuter die nodige individuele aandag ontvang. Al ons klassies loop uit op ‘n grasperk sodat kinders nie net in die klasse leer nie maar ook buite.
CCTV – Kameras
Die skool het kameras in die klasse asook buite op die speelterrein om te verseker kleuters is veilig teen alle tye.
Aktiwiteite en Spesiale Dae
Aktiwiteite
Op ’n daaglikse basis konsentreer ons op die noodsaaklike mylpale wat ons kleuters moet bereik. Ons doen weekliks bak en brou volgens die tema van die week en ons wissel ook die bak en brou af met soet en sout. Sensoriese spel word weekliks aangebied volgens die tema van die week.
Spesiale Dae
By Die Kinderdorpie Kleuterskool vier ons graag spesiale dae soos Mammadag, Pappadag en Oupa-en Oumadag waar ons almal spesiaal laat voel. Ons vier ook Liefiedag, Paasfees, Hemelvaartsdag en ander genotvolle dae.
Buitemuurse Aktiwiteite
Die Kinderdorpie Kleuterskool bied verskeie buitemuurse aktiwiteite aan. Die aktiwiteite neem plaas geduurende buitespel om te verseker dat oggend onderrig nie versteur word nie. Buitemuurse aktiwiteite se inskrywings en betalings word direk met die aanbieder gereël en is dus ‘n addisionele koste.